ബൈബിളിന്റെ ദൈവികത - സംവാദം

ദൈവ വചനമായ ബൈബിള്‍ തുടക്കം മുതലേ എതിര്‍പ്പുകള്‍ക്കും ആരോപണങ്ങള്‍ക്കും വിധേയമാക്കപ്പെട്ടിട്ടുണ്ട്. ക്രിസ്തീയ വിശ്വാസമുള്ളവര്‍ അതില്‍ നിന്നൊന്നും ഒളിച്ചോടാതെ അതില്‍ ഗവേഷണം നടത്തുകയും പഠിക്കുകയും തെളിവുകള്‍ - ശാസ്ത്രീയമായും, യുക്തിപരമായും - നല്‍കി സ്ഥാപിക്കുകയും ചെയ്തിട്ടുണ്ട്.

യഹോവയും അള്ളായും ഒന്നാണോ ?

വേദപുസ്തകത്തില്‍ പറഞ്ഞിരിക്കുന്ന ദൈവമായ 'യഹോവ' തന്നെയാണ് ഖുറാനില്‍ പറയുന്ന 'അള്ളാ' എന്ന് വിശ്വസിക്കുന്ന അനേകരുണ്ട് - ക്രിസ്തീയ, ഇസ്ലാം വിശ്വാസികള്‍ക്കിടയില്‍ തന്നെ. ദൈവം ഒന്നേയുള്ളൂ എന്ന വിശ്വാസം തന്നെയാണ് അവരെ അങ്ങനെ ചിന്തിക്കാന്‍ പ്രേരിപ്പിക്കുന്നത്. എന്നാല്‍ വിശുദ്ധ ബൈബിളിന്റെയും (തൌറാത്തും ഇന്ജീലും) ഖുറാന്റെയും അടിസ്ഥാനത്തില്‍ പരിശോധിച്ചാല്‍ ഈ പറയുന്ന രണ്ടു വ്യക്തിത്വങ്ങള്‍ തമ്മില്‍ സാമ്യപ്പെടുത്തുവാന്‍ കഴിയുകയില്ല. മാത്രമല്ല തമ്മില്‍ പൊരുത്തപ്പെടുത്താനാകാത്ത രണ്ടു വ്യത്യസ്ത സ്വഭാവ ഗുണ വിശേഷങ്ങളാണ് ഈ രണ്ടു പേര്‍ക്കും ഉള്ളത് എന്ന് മനസിലാക്കാം.